Wednesday, May 2, 2018

ಮಾವಿನಕಾಯಿ ಕೆತ್ತೆ ಉಪ್ಪಿನಕಾಯಿ

ಮಾವಿನಕಾಯಿ ಹೋಳು (ಕೆತ್ತೆ) ಉಪ್ಪಿನಕಾಯಿ 
ಮಾವಿನಕಾಯಿ ಕೆತ್ತೆ ಉಪ್ಪಿನಕಾಯಿ ದಕ್ಷಿಣ ಕನ್ನಡ ಹಾಗು ಕರಾವಳಿ, ಉಡುಪಿ ಪ್ರದೆಶಗಳಲ್ಲಿ ಮಾಡುವಂತ ಮತ್ತೊಂದು ಬಗೆಯ ಉಪ್ಪಿನಕಾಯಿ. ಸಾದಾರಣವಾಗಿ ಮಿಡಿ ಉಪ್ಪಿನಕಾಯಿಯ ವಿದಾನವನ್ನೇ ಬಳಸಿ ಮಾಡುವುದು ವಾಡಿಕೆ. ತುಂಬಾ ದಿನ ಉಳಿಯುವ ಈ ಉಪ್ಪಿನಕಾಯಿಯನ್ನ ಗಂಜಿ, ಇಡ್ಲಿ, ದೋಸೆಯೊಂದಿಗೆ ಈಗಲೂ ನೆಂಚಿಕೊಳ್ಳಲು ಉಪಯೋಗಿಸುವರು.
ಕೆತ್ತೆ ಉಪ್ಪಿನಕಾಯಿ ಮಾಡುವ ವಿಧಾನ :
ಬೇಕಾಗುವ ಪದಾರ್ಥಗಳು :
ಮಾವಿನಕಾಯಿಗಳು :  ದೊಡ್ಡದು ಹಾಗು ಸಣ್ಣದು ಎರಡು ಬಗೆಯ ಮಾವಿನಕಾಯಿಯನ್ನು ಉಪಯೋಗಿಸಬಹುದು. ಉಪ್ಪಿನಕಾಯಿಗೆ ಬಳಸುವ ಮಾವಿನಕಾಯಿಯನ್ನೇ ಉಪಯೋಗಿಸಿದರೆ ಒಳ್ಳೆಯದು.  ೫ ರಿಂದ ೬
ಉಪ್ಪು :  ಎರಡರಿಂದ ರಿಂದ ಮೂರು ಮುಷ್ಠಿ ( 2 to 3 Handful)
ಸಾಸಿವೆ : 3 ದೊಡ್ಡ ಚಮಚ
ಮೆಣಸಿನ ಹುಡಿ :5 ರಿಂದ 6 ದೊಡ್ಡ ಚಮಚ
ಇಂಗು : ಸ್ವಲ್ಪ
ಒಗ್ಗರಣೆಗೆ :
ಕೊಬ್ಬರಿ ಎಣ್ಣೆ : 2 ರಿಂದ 3 ದೊಡ್ಡ ಚಮಚ
ಇಂಗು : ಚೂರು
ಮಾಡುವ ವಿಧಾನ :
ಮಾವಿನ ಕಾಯಿಯನ್ನು ಚೆನ್ನಾಗಿ ಬಟ್ಟೆಯಿಂದ ಒರೆಸಿ, ಸಿಪ್ಪೆ ಸಮೇತ ಹೋಳುಗಳಾಗಿ ಹೆಚ್ಚಿ.
ದೊಡ್ಡ ಪಾತ್ರೆಯನ್ನು ಚೆನ್ನಾಗಿ ಒರೆಸಿಕೊಂಡು ಉಪ್ಪು ಮತ್ತು ಮಾನಿನ ಹೋಳುಗಳನ್ನು ಬೆರೆಸಿ. ಒಂದು ಗಾಜಿನ ಕುಪ್ಪಿ/ಶೀಷೆಗೆ ಹಾಕಿ ಮುಚ್ಚಳ ಮುಚ್ಚಿಡಿ. ಇದನ್ನ ಮೂರು ದಿನಗಳ ಕಾಲ  ದಿನಕ್ಕೆ ಒಂದು ಬಾರಿ ಚೆನ್ನಾಗಿ ಕಲೆಸಿಡಬೇಕು. ಉಪ್ಪು ನೀರಾಗಿ ಕರಗುವುದು.
ಒಂದು ಪಾತ್ರೆಯಲ್ಲಿ ನಾಲ್ಕು ಲೋಟೆ ನೀರು ಹಾಕಿ ೨ ಮುಷ್ಠಿ ಉಪ್ಪು ಹಾಕಿ ಕುದಿಸಿ. ಈ ಉಪ್ಪು ನೀರು ಕುಡಿದು ಅರ್ದದಷ್ಟಾಗಬೇಕು. ಈ ನೀರಿಗೆ ಮಾವಿನಕಾಯಿಯಲ್ಲಿ ಕರಗಿದ ಉಪ್ಪು ನೀರನ್ನು ಸೇರಿಸಿ  ೨ ನಿಮಿಷ ಕುದಿಸಿ. ಉಪ್ಪು ನೀರಿನ ಪಾತ್ರೆಯನ್ನು ಕೆಳಗಿರಿಸಿ ತಣ್ಣಗಾಗಲು ಬಿಡಿ. ಒದ್ದೆ ಕೈಯಿಂದ ಈ ನೀರನ್ನು ಮುಟ್ಟಬಾರದು.
ತಣ್ಣಗಾದ ನೀರಿನೊಂದಿಗೆ ಮೇಲೆ ತಿಳಿಸಿದ ಸಾಸಿವೆ ಹಾಗು ಮೆಣಸಿನ ಪುಡಿ ಮಿಕ್ಷಿಯಲ್ಲಿ ನುಣ್ಣಗೆ ಅರೆಯಿರಿ. ಈ ಮಿಶ್ರಣವನ್ನು ಹೋಳು ಮಾವಿನಕಾಯಿಯೊಂದಿಗೆ ಬೆರೆಸಿ. ಚೆನ್ನಾಗಿ ಬೆರೆಸಿ. ನಂತರ ಇಂಗು ಹಾಗು ತೆಂಗಿನ ಎಣ್ಣೆಯ ಒಗ್ಗರಣೆ ಕೊಡಿ. ಎಲ್ಲವನ್ನು ಚೆನ್ನಾಗಿ ಮತ್ತೊಮ್ಮೆ ಬೆರೆಸಿ ಗಾಜಿನ ಶೀಶೆ ಅಥವಾ ಉಪ್ಪಿನಕಾಯಿ ಜಾರಿನಲ್ಲಿ ಹಾಕಿ ಬದ್ರವಾಗಿ ಮುಚ್ಚಿಡಿ. ಬೇಕಾದಲ್ಲಿ ಒಂದೆರಡು ಚಮಚೆ ಎಣ್ಣೆ ಮೇಲಿನಿಂದ ಹಾಕಬಹುದು. ಈ ಉಪ್ಪಿನಕಾಯಿಯನ್ನು ತುಂಬಾ ಬದ್ರವಾಗಿ ಮುಚ್ಚಿಡಬೇಕು. ಎರಡು ವಾರದ ನಂತರ ಮಾವಿನಕಾಯಿ ಕೆತ್ತೆ ಉಪ್ಪಿನಕಾಯಿ ಬಳಸಲು ಯೋಗ್ಯವಾಗಿರುತ್ತದೆ.
ಕಿವಿಮಾತು :
ಯಾವುದೇ ಕಾರಣಕ್ಕೂ ಉಪ್ಪಿನಕಾಯಿ ತಯಾರಿಸುವಾಗ ಒದ್ದೆ ಕೈಯಲ್ಲಿ ಮಾವಿನ ಹೋಳು ಹಾಗು ಕುದ್ದು ಆರಿದ ಉಪ್ಪಿನ ನೀರನ್ನು ಮುಟ್ಟಬಾರದು. ಉಪಯೋಗಿಸುವ ಪಾತ್ರೆಗಳನ್ನು ಒಣ ವಸ್ತ್ರದಲ್ಲಿ ಒರೆಸಿ ಬಳಸಬೇಕು.
ಉದಾಹರಣೆಗೆ : ಮಾವಿನಕಾಯಿ ಹೋಳು ಮತ್ತು ಉಪ್ಪು ಬೆರೆಸುವ ಪಾತ್ರೆ. ಮಿಕ್ಷಿ ಮಾಡುವಾಗ ಮಿಕ್ಷಿ ಜಾರ್ ಮತ್ತೆ ಮುಚ್ಚಳ , ಉಪ್ಪಿನಕಾಯಿ ಹಾಕಿಡುವ ಶೀಶೆ ಅಥವಾ ಉಪ್ಪಿನಕಾಯಿ ಜಾಡಿ. ತುಂಬಾ ಉಪ್ಪಿನಕಾಯಿ ಮಾಡುವಾಗ ಸಾಸಿವೆ ಮತ್ತು ಮೆಣಸಿನ ಕಾಯಿಯನ್ನು ಬಿಸಿಲಿನಲ್ಲಿ ಒಣಗಿಸಿ ಉಪಯೋಗಿಸಿ.
ಮೆಣಸಿನ ಪುಡಿ ಬದಲು ಬ್ಯಾಡಗಿ/ ಘಟ್ಟದ ಮೇಲಿನ ಕೆಂಪು ಮೆಣಸಿನಕಾಯಿ ಉಪಯೋಗಿಸಬಹುದು. ಅದೇ ಸಾಂಪ್ರದಾಯಕ.

ಅಮಟೆಕಾಯಿ ಉಪ್ಪಿನಕಾಯಿ

ಅಮಟೆಕಾಯಿ ಉಪ್ಪಿನಕಾಯಿ :
ಉಪ್ಪಿನಕಾಯಿ ಇಲ್ಲದೆ ಊಟ ಇಲ್ಲ ಎನ್ನೋ ಮಾತು ಈಗಲೂ ಕೆಲವರ ಮನೆಯಲ್ಲಿ ಉಂಟು. ಉಪ್ಪಿನಕಾಯಿಗೂ ಮೊಸರನ್ನಕ್ಕೂ ಎಷ್ಟೊಂದು ನಂಟು ಅಂತೀರಾ. ರುಚಿ ಮಾತ್ರಕ್ಕೆ ಅಲ್ಲ, ಆರೋಗ್ಯಕ್ಕೂ ಒಳ್ಳೇದು. ಮೊಸರನ್ನದ ಒಟ್ಟಿಗೆ ಉಪ್ಪಿನಕಾಯಿ ನೆಂಚಿಕೊಂಡು ತಿನ್ನೋದು. ಮೊಸರು ಹುಳಿಯಾಗಿದ್ದಾರೆ ಉಪ್ಪಿನಕಾಯಿ ಒಟ್ಟಿಗೆ ತಿಂದಾಗ ಮೊಸರಿನ ಹುಳಿ ಅಂಶ ಹೋಗಿಬಿಡುತ್ತೆ. ಜೀರ್ಣಶಕ್ತಿಗೂ ಸಹಾಯಕಾರಿ. ಉಪ್ಪಿನಕಾಯಿಯ ಖಾರಂಶ ನಾವು ತಿಂದ ಜಿಡ್ಡಿನ ಅಂಶವನ್ನು ಕಡಿಮೆ ಮಾಡುತ್ತೆ.
ಉಪ್ಪಿನಕಾಯಿಯನ್ನ ಮಾವಿನಕಾಯಿ ಅಲ್ಲದೆ, ಅಮಟೆಕಾಯಿ, ನೆಲ್ಲಿಕಾಯಿ, ನಿಂಬೆಹಣ್ಣು, ಕರಂಡಕ ಕಾಯಿ ಹೀಗೆ ತರತರದ ಕಾಯಿಗಳನ್ನ ಉಪಯೋಗಿಸಿ ಮಾಡುತ್ತಾರೆ.
ಈಗ ಅಮಟೆಕಾಯಿ ಉಪ್ಪಿನಕಾಯಿ ವಿಧಾನವನ್ನು ನೋಡೋಣ .
ಬೇಕಾಗುವ ಪದಾರ್ಥಗಳು :
ಅಮಟೆಕಾಯಿ : ತುಂಬಾ ಎಳೆಯದಿರಬೇಕು 10 ರಿಂದ 15.
ಉಪ್ಪು : ೩ ದೊಡ್ಡ ಚಮಚ
ಸಾಸಿವೆ : ೧ ದೊಡ್ಡ ಚಮಚ
ಮೆಂತ್ಯ : ೧ ಸಣ್ಣ ಚಮಚ
ಮೆಣಸಿನ ಪುಡಿ : ೨ ದೊಡ್ಡ ಚಮಚ
ಕೊಬ್ಬರಿ ಎಣ್ಣೆ : ೧ ದೊಡ್ಡ ಚಮಚ
ಸಾಸಿವೆ : ೧ ಸಣ್ಣ ಚಮಚ
ಇಂಗು : ಒಂದು ಚೂರು
ಮಾಡುವ ವಿಧಾನ :
ಅಮಟೆಕಾಯಿಯನ್ನು ಚೆನ್ನಾಗಿ ತೊಳೆದು ನೆರಳಿನಲ್ಲಿ ಒಣಗಿಸಬೇಕು. ನಂತರ ಒಂದು ಶುದ್ದವಾದ ಒಣ ಬಟ್ಟೆಯಲ್ಲಿ ಒರೆಸಿ ಸಣ್ಣ ಹೋಳುಗಳಾಗಿ ಹೆಚ್ಚಬೇಕು.
ಮೆಂತ್ಯ ಹಾಗು ಸಾಸಿವೆಯನ್ನು ಕೆಂಪಗೆ ಹುರಿದು ಅದಕ್ಕೆ ಮೆಣಸಿನ ಪುಡಿ ಸೇರಿಸಿ ಪುಡಿ ಮಾಡಿ ಇಟ್ಟುಕೊಳ್ಳಬೇಕು.
ದೊಡ್ಡ ಪಾತ್ರೆಯಲ್ಲಿ ಉಪ್ಪು ಮತ್ತು ೧ ಲೋಟ ನೀರು ಹಾಕಿ ಕುದಿಸಬೇಕು. ನೀರು ಕುದ್ದು ಅರ್ದ ಪ್ರಮಾಣಕ್ಕೆ ಬಂದಾಗ ಹೆಚ್ಚಿದ ಅಮ್ಟೆ ಹೋಳುಗಳನ್ನು ಹಾಕಿ ಒಂದೆರಡು ನಿಮಿಷ ಬೇಯಿಸಬೇಕು. ಪಾತ್ರೆಯನ್ನು ಕೆಳಗಿಟ್ಟು ತಣ್ಣಗಾಗಲು ಬಿಡಬೇಕು.
ಪೂರ್ಣ ತಣ್ಣಗಾದ ಮೇಲೆ, ಹುರಿದು ಪುಡಿ ಮಾಡಿದ ಸಾಸಿವೆ, ಮೆಂತ್ಯ ಹಾಗು ಮೆಣಸಿನ ಪುಡಿ ಸೇರಿಸಿ ಚೆನ್ನಾಗಿ ಬೆರೆಸಿ, ಕೊಬ್ಬರಿ ಎಣ್ಣೆ, ಸಾಸಿವೆ ಹಾಗು ಇಂಗಿನ ಒಗ್ಗರಣೆ ಕೊಡಬೇಕು . ಸಂಪೂರ್ಣ ತಣ್ಣಗಾದ ಮೇಲೆ ಅಮಟೆಕಾಯಿ ಉಪ್ಪಿನಕಾಯಿಯನ್ನು ಶುಚಿಯಾದ ಗಾಜಿನ ಶೀಷೆಗೆ ತುಂಬಿ ಅದರ ಮುಚ್ಚಳ ಹಾಕಬೇಕು.
ಇದನ್ನು ಎರಡು ದಿನ ಬಿಟ್ಟು ಉಪಯೋಗಿಸಬಹುದು.

ಇಲ್ಲಿ ನಾನು ಎಂ.ಟಿ.ಆರ್ ಮೆಣಸಿನ ಹುಡಿ ಉಪಯೋಗಿಸಿದ್ದೇನೆ. ನೀವು ನಿಮ್ಮ ಇಷ್ಟದ ಹುಡಿಯನ್ನ ಉಪಯೋಗಿಸಬಹುದು.
ನೆನಪಿರಲಿ ಬಳಸುವ ಅಮಟೆಕಾಯಿ ಬಲಿತಿರಬಾರದು. ತುಂಬಾ ಎಳೆಕಾಯಿ ಉತ್ತಮ ರುಚಿ ಕೊಡುವುದು.

Jack fruits Seeds Tikki

Jack fruits are healthy Seasonal fruits. The seeds also contain lots of good vitamins and minerals.  After eating the fruit we throw away th...

About

author
My name is Nalini Somayaji. Teaching is my profession. Cooking is my passion. Reading, travelling, visiting new places, having fun with kids are some of the hobbies I can say. My recipes are Healthy, quick, easy and simple. Grown up being a traditional family member I love and respect Indian culture and traditions. Love classical dance and music.
Learn More →